Shillong, Naiwieng 10: U myntri rangbah ka jylla u Cornad Sangma u la phah ia ka jingpyndon burom ia u shipai Aibor Madur ba dei na ka kynhun shipai 10th Battalion jong ka Assam Regiment bala aiti ia la ka jingim ban iada ia ka ri ha Siachen ha ka 7/Naiwieng/2024.
U Myntri rangbah ka jylla mynta ka sngi u la pynbna ba ka sorkar jylla kan ai jingiarap T.20/- lak tyngka sha kiba ha iing jong u shipai Aibok Madur, na ka liang ka sorkar ka ai ka burom sha une u shipai bala aiti ia la ka jingim namar ka ri.
U Shipai Aibok Madur u dei na ka shnong Mawbri, na Ri Bhoi District ba u la pyniia ka mynsiem ieit iala ka jong ka Ri, ia kane ka kam shlur kaba u la pyni yn nym lah ban klet da lei lei ruh ia ka jinglen lade jong u na ka bynta ka ri.
U myntri rangbah ka jylla u la ong ba kane ka jinglen lade ka jong u kan dang iai kyrsoi ia ka mynsiem kaba shlur sha ki samla bad na ka liang jong ka sorkar jylla kan ai ka jingkyrshan ia kiba ha iing snem bad ha ka juh ka por la pah ia ka khubor sngewlem halor kane ka jingduh.
