Shillong, Jymmang 13: U Symbut Myntri Rangbah ka jylla u bah Prestone Tynsong mynta ka sngi u la iathuh ba ka sorkar kal
a pynkhreh ban leit shaw ia baroh kito ki ban wan phai da ki rel na Guwahati.
Haba batai ia kane ka jingwan phai u bah Prestone u la ong ba ka Rel kaba nyngkong ban wan buh ia ki briew jong ka jylla kan dei na Chinai bad baroh ki don 1000 ngut kane kan mih mynta ka sngi por 9.00 baje mynmiet bad kan poi ha Guwahati haka 15 tarik mynta u bnai.
Ka Rel ka ban mih ha Gujarat kan long ha ka 15 tarik bad kane kan poi ha Guwahati ha ka 17 tarik mynta u bnai bad baroh ki don 225 ngut, ka Rel kaba na Bangalore kan mih ha ka 16 tarik mynta u bnai bad kan poi ha Guwahati ha ka 18 tarik mynta u bnai bad baroh ki don 1500 ngut.
La iathuh ba haduh mynta ka sngi baroh ki briew kiba la wan phai na ki bynta jong ka North East bad na ki wei ki bynta jong ka Ri India kila poi haduh 3970 ngut, tang na North East ki long 3030 ngut bad kiwei ki dei na kiwei ki bynta jong ka Ri India kiba la wan hi da lade.
U Bah Prestone u la ong ba ka long kaei kaei kaba sngew tynnad ba baroh kiba la wan phai kim shym don kano kano ka dak jong ka jingshitom bad ki bad la phah ia ki baroh sha la iing ba kin leh ia ka Home Quarantine 14 ngut kiba ki hap ban but pyrkhing bad 14 sngi la kham pynkylluid, baroh kan long 28 sngi kaba ki hap ban leh ia ka quarantine.
