Shillong, Jylliew 12: U Bah Paul Lyngdoh myntri ba dei peit ia ka tnad social Welfare la ong ba u ka khot ia ka jingialang ia ki ophisar, ki pulit ban ia kren halor kane ka jingma kaba dei na ka kam dih drok ha ka jylla kaba la isherkhei.
Haba kren ha ki lat pathai khubor ha dieng ka jingialang la ong ba ha kane ka jingialang la ioh jingkhien ba ki nongdih drok kila dang kiew na ka jingkhein kaba la lum ha u snem 2019 bad san tylli ki District ha ka jylla la ithuh kum ki District ba bun ki nongdih drok.
Ban ia khun pyrshah ia kane ka sorkar kala shim ia ka rai ban shim baroh ki lat ki lynti ban pyduh jait ia kane ka jingiakhaii drok kaba la pynjot ia ka imlang sah lang, kane ka kam ka hap hapoh ka NDPS Act 1985.
Kum ka sorkar kala iohi ba don ki jingduna ha kane ka ain bad mynta ka sngi la kren shai ba don kam ban shan ia ki rule da ka sorkar jylla. Kum ka kyndon 64(a) ka ai lynti ia kiba dih drok ban lait na ka kti jong ka ain.
Ha kane ka jingialang la don ki heh ka tnad pulit, District ka tnad Social Welfare, Director ka tnad ka koit ka khiah , Director NIMHANS bad ki heh pulit jong ka District kila ia don lang ha kane ka sngi bad ka jingiakren ka long ban pyntrei kam pura ba ia ka polisi ban ia khun pyrshah ia ka jingdih drok la pdiang da ka sorkar.
Hapoh kane ka rule, un don u Mission Director ban iarap ia ka sorkar jylla bad la mang pisa T. 5 klur, ban pynshai paidbah bad ki jingpyntip paidbah ia ka jingsniew jong kane ka jingdih drok.
Ka don ka ain kaba khlem pat pyntrei kam kaba ong ban ia da ia ki kam ia die beain ia ki drok kaba la tip kum ka “Prevention of Illicit Traffic Narcotic Drugs and Psychotropic Substances Act 1986. Ia kane ka ain ym pat lah ban pyntrei kam namar ym pat lah ban thaw ia ka kynhun ai jingmut ban khlieh da u nongbishar bala shong ka High Court.
U nongbishar ba la shong thiat ka High Court ba dei u S. Pande u la mynjur da ka jingthoh ban long u shongknor kane ka kynhun ai jingmut, shisien ba la don u shongknor u la ong ban shimti yn sa lah ban pyntreikam ia kane ka ain. Katkum kane ka ain ia kiba la juh mlieh khaii drok kem bad set lai bnai bad lah ban pynjlan haduh shisnem.
