Shillong, Jymmang 14: U Myntri ba dei peit ia ka Tnad Pule puthi jong ka Jylla u Rakkham Sangma mynta ka sngi ka 13 tarik u Jymmang 2024 u la pyntip ba shen ka sorkar Jylla kan sa ioh ban plie noh shen ia ki Ar Tylli ki Degree College ha ka Jylla.
Kine ki dei ka Patharkhmah Model Degree college bad ka Rongjeng Degree College. Ka jingplie ia kine baroh Ar Tylli ki colleges kan ia rap ia ki samla ka jylla ki ba la angnud ban don ia ki Government College hakine ki jaka.
Ka jingap khmieh lynti jong ki nongshng shnong jong ka Ribhoi District ban ioh la ka jong ka College Sorkar ka la jan ban urlong ha ka ba ia ka Pathrkhmah Model Degree College ia ka ba la sdnag ban shna 5 snem mynshwa ia ka ba mynta ka la sdang ban pyndep bad kumjuh ruh ban pyntrei kam noh iaka ha u ne u snem 2024.
Ia kane la pyntip da u Myntri ba dei peit ia ka tnad pule puthi ka sorkar Jylla u Rakham Sangma haba kren ha ki lat pathai khubor la ong ba ia ka College ka dang don sa kato katne tylli ki kam ba kin sa pyndep hynrei ia katei ka College yn sdang ban pyntrei kam noh.
Kane kan long naduh kane por sdang ia ka jingpule jong mynta kata na duh u 2024 bad ia ka jingthung kami a ki nonghikai ha kane ka College kan sdang hadien ba la dep ban pyntrei ka ia ka Model Code of conduct namar ka jingdon ka election MP sha Lok Sabha.
U Sangma u la ong ba ka jingpyntrei ia ka Patharkhmah College ka la jan ban dep ha ka ba ki kam ba dang sah ki don satang ka jingpyndep ia ka jingring umbam ha kane ka college bad kiwei kiwei pat ki barit baria.
U Rakkham u la ong ruh ba ha une u snem ba mynta na ka liang ka sorkar kan sa ioh ruh ban pyntrei kam noh ia ka Rongjeng Degree ollege yn sdang ban pyntrei kam noh.
