Shillong, Nailar 24: Ka skul Seng Khasi Lower bad Upper Primary mairang mynta ka sngi kala rakhe ia ka jingdap shiphew snem jong ka skul naduh ba la seng ia ka bad kane ka skul kala ai ka jingshakri ia ki khynnah kiba ym don lad ban leit skul kumba leit lem kiwei.
Haba kren kum u kongsan u Bah Metabah Lyngdoh MLA jong kane ka jaka bad u ba dei ruh u mynta ha ka sorkar jylla, u la ong ba ka sorkar kan wanrah ia ka polisi ha ka pule puthi ban pynioh ia ka jinghikai kaba bha ha ka jylla.
U la ai ka jingiaroh ia ki nongseng ia kane ka skul kaba kila trei shitom da ka jingiohi jngai ba kumno ban plie lad ia ki khynnah kiba ym ioh lad ban leit skul. Kane ka skul kala long ka jingkyrkhu na ka bynta jong ki ba kin ioh ia ka jingpule kum ba ioh lem kiwei.
Kiwei kiba la ia don lang ha kane ka sngi ki long u Bah SK Sunn MLA jong kaMawphlang, u Bah EL Nongrang MDC, ka kong S Ryntathiang ka headmistress kane ka skul u Bah R R Lamare SDSEO bad bun kiwei kiwei ki riew rangbah jong ka shnong Mairang. Ban pynshongshit ia kane ka sngi kila don ruh ki jingshad na ki khynnah kane ka skul.
