Nongstoin, Naitung 15: Ka seng FKJGP Rambrai circle ryngkat ka jing synran lang jong ka FKJGP Mawlieh area unit sngi ba ar kila leit ban jurip iaka surok Nongstoin- Rambrai halor ka jingud jong ki paitbah ka thain Rambrai ka seng ka lap ba surok Nongstoin – Rambrai kala sniew palat.
Kane ka jingsniew jong kane ka surok ka long eh mar ia lait naka shnong Mawrusyiar ka pynnoh syllang ka sniew palat, kane ka surok kam dei shuh ka surok PWD la kum ka surok khlaw ia kane ka surok ym don shuh ba peit la shu ieh noh bein haduh ba bun sien ki kali ki sah kut ha ki bynta pynkiew jong ka syllang.
Kane ka jingsniew kala wan rah jingeh iaki kali ba dei iaid lyngba kane ka surok khamtam iaki kali kit nongpang bad kiba armet, kum ka seng ka kyrpad eh ia u Executive Engineer PWD (Road) Nongstoin Devision ba un sngewbha kum u para briew ban phai khmat lem ia kane ka surok ban pynbha shipor khamtam iaki bynta ba pynoh ne pynkiew ha syllang-mawrusyier.
Ha ka juh ka por ka seng FKJGP ka kyrpad ia u bah Kimfa Marbaniang MLA Rambrai bad u bah Bajop Pangrope MDC Rambrai ba kin tuklar sha ki bor Sorkar ban pynbha ia kane ka surok ba sniew sha ba palat pud.
Ka seng ka sngewthuh kumba long mynta ka jingpyn khreh ban pyn biang ban shna iaka surok Nongstoin- Rambrai – Chaigoan ka dangiaid sha khmat satang ban siew iaka bai khyndew hynrei khlem pat khot tender haduh mynta.
Na ka liang jong ka seng na bynta shi por katba ym pat khot tender sngewbha ngi kyrpad pynbha ia mynta ia ka tei ka surok khnang ba ki paitbah kin ym jynjar haka leit ka wan ki paidbah ka thain la ong u Bah Jistarland Lyngkhoi President FKJGP Rambrai circle.
