Shillong, Nohprah 15: Mynta ka sngi u CEO jong ka N.E Starlight Entertainment u Bryan K Sangma u la pynbna ba ia ka “Tamasa jingtbit pynwan dur ia ki jainphong” ka long ar sngi lynter ha ka 18 bad 19 tarik Kyllalyngkot 2024 ha Hotel Vivanta.
Haba kren ha ki lat pathai khubor mynta ka sngi ha Shillong Press Club u Director ba dei peit ia kane ka jingpyniriam, u Rittick Sharma Tamuli, la ong ba kane ka Tamasa kan long ka sien kaba nyngkong ha Meghalaya, kane ka lon ban plielat ia ki riew don sap ha ka suh jain.
Ha kane ka tamasa ki riew tbit suh jain na baroh kane ka thain shatei lam mihngi jong ka Ri India kin wan ban ia shim bynta ban pyninam ia ka rukom suh ia ki riam ki beit jong kane ka thain, ha kien ki ar sngi ruh kin don ruh kiba nongthied ki ban wan peit na sha bar.
U bah Brandon Sunn u wei na ki nongseng iakane ka N.E Entertainment la ong ba ka thong ka long ban pdiang 25 ngut ki nongsuh jian kiba tbit ia kaba kin sa jied na pdeng kiba la apply ban ia shim bynta, kin don ki 80 ngut ki Model ban pyniia kiriam kiba la suh bad ki ban pynriam ia ki kin long 40 ngut ki nongpynriam.
Haduh mynta ki aplikoshon kiba la ioh ki long 10 ngut na Meghalaya, 3 na Assam katba na Sikkim, Nagaland Manipur ki dang poi tang mar kawei ka aplikoshon, ki kyrmen ba kin ioh pdiang shibun ki jingtyrwa ki ban ia shim bynta ha kane ka Tamasa.
