Shillong, Naiwieng 20: Ka tamsa ka thoh ka pule kaba saw mynta u snem kaba lai sngi la pynkut mynta ka jan miet ha Nan Polok ha kaba ki nongthoh na kylleng ka Ri India kila wan ban ia shim bynta ban ia phylliew jingmut ha ka thoh ka pule.
Mynta u snem ki nongthoh kiba paw kiba la wan ban ia shim bynta ki long, Vikram Seth, Jerry Pinto, Shobhaa De, Kynpham Sing Nongkynrih, Sabir Hussain, kila wan bun ruh kiwei kiwei ki nongthoh kila wan ban ia shim bynta ha kine ki lai sngi.
U bah Paul Lyngdoh myntri ba dei peit ia ki kam shangsuwari u al ai ka jingiaroh ia kane ka tamsa mynta u snem bad kane ka long ka jingjop kaba khraw bad kane ka dei u wei pat u mawjam ba kane ka tamasa kala dang kiew sha khmat, ha kaba ki nongwan ia shim bynta kila dang kiew.
U bah Paul la ong ba kane ka tamasa mynta u snem 2024 kala rah sha kawei ka kyrdan kaba kham sha jrong, ha kine ki lai sngi da ki phew hajar ki paidbah kila wan ban ia shim bynta bad kane ka jingwan ia shim bynta u nongkit kein ka ri Turkiye sha India ka long ka sien jam kaba kham sha jrong.
Ha ba kren ha kane sngi u nongkit ktien ka ri Turkiye u Firat Sunel, la ong ba kane ka jingia dei bad ia jan ha ka riti dustur ka wan ran ia ka jingiajan ha pdeng ki ri jong ka pyrthei bad ka jingiasngewthuh mar kylliang ia ka ktien ka long kaba don kam bha bad kum kine ki tamsa ki long ka lynti sha ka jingiajan.
