Shillong, Nailar 13: U National Working President ka party National people’s Youth Front (NPYF) u bah Nicky Nongkhlaw la ong ba ka party Trinamool Congress (TMC) kan eh ban sait ia ki jingshah kynnoh bamsap hapoh katei ka party namar kila don shibun ki jingkynnoh kaba kila shukor ia ki riew paidbah.
Haba jubab ia ki jingkynnoh jong ki nongialam ka TMC na Meghalaya kumba la paw ha ki lat pathai khubor bad kiwei kiwei, u nongialam ka NPYF u bah Nicky la kynnoh ba namar ki kam sshukor jong ki kam shym la jop ha ka elekshon ha Goa bad ki nongialam jong ki ki shah kynnoh ha ki kam bamsap.
U Working President ka NPYF la kynnoh ba u General Secretary ka party TMC u Abhishek Banerjee u la shah kynnoh ba don kti ha kam beain ha ki kam dewiong ha Bengal bad mynta ka ophis jong ka Enforcement Directorate ka dang tohkit ia ki ia u tei u nongialam.
U nongialam katei ka party u Partha Chaterjee u myntri kabinet ha kaba ka tnad Enforcement Directorate kala ioh ban kurup haduh T.50 klur bad kane ka jingioh kurup ia katei ka pisa ka don ka jingiadei bad ka West Bengal School Service Commission balei ki sngap jar ong u bah Nicky.
U nongialam ka NPYF u la kdew ruh ia kiwei kiwei ki nongialam ka Party TMC kiba la shah kynnoh ha ki kam bamsap bad kala don ka jingkren na ka nongialam katei ka party kaba la ong ba baroh ki briew kiba la wan rung na Bangladesh kin kylla nong India, kumno kine ki briew kin kren ia ka ILP, u buh ka jingkylli ia u Dr Mukul kumno u leit ban kyrshan ia kane ka party.
