Shillong, Naiwieng 14: U Deputy Speaker jong ka iing dorbar thawain ka jylla u Timothy D Shira u la ong ba yn sa ia kren bad u Myntri rangbah ka jylla u Conrad K Sangma ba ia kren bad ka Northeast Frontier Railway ban buh ia ki jingpbna lait kam ha Mendipathar Railway Station.
Haba kren ha u SP News Agency u la ong ba wat la ka lynti rel kla tei kam ha Garo Hills kaba don ha Mendipathar, hynrei haduh mynta ia ki jingpynbna la lait kam ha ka Railway pat kim pat juh wah ba ki samla na Garo Hills kin ioh ban thep kam, la ong ba u sa ia kren ba du myntri rangbah ka jylla halor kane.
U Deputy Sepeaker ka jylla u la ong ba kala don ka jingiakren ban shna ia ka surok na Kolkatta ban poi sha Mahendrganj kaba don ha South West Garo Hills na ka bynta ban kyntiew ia ka kahaii pateng ha kne ka thain shatei lam mih ngi ka Ri India bad ka Garo Hills kan sa kylla ka khyrdop iaka North East baroh kawei.
Kane kan pyniasoh bad ka jingkieng kaba sa shna halor ka wah Brahmaputra ban pyniasoh iaka Assam Meghalaya hapoh Phulbari bad ia ki bynta jong ka rithor jong ka Garo Hills yn sa lah ban pyniasoh da ki lynti rel bad kane ka kyntiew ia ka khaii pateng.
Lada la shna ia ka surok na Kolkatta sha Mahendraganj ha South West Garo Hills, kane kan pynduna ia ka jingjngia ka lynti da 500 km na Kolkatta sha Garo Hills bad na katei ka surok kan pynsuk ka lait ka wan bad kan pynjan wat ia ki bynta jong ka Khasi Hills, Tripura, Mizoram bad kiwei ki jylla ka North East da leit da ka surok sha Kolkatta.
