Shillong, Nohprah 02: Ka State Disaster Response Force (SDRF) mynta ka sngi kala trei bor ban ban tem ia ka jingklang ka ding kaba la pluh ha ka karkhana tyllait atata ha Garikhana, Shillong kaba la pluh ha ka por shiteng synai.
Ka SDRF kala trei bor bah ryngkat bad ka State Disaster Management Authority (SDMA) ha kaba kila ioh ia ka jingtip ba kala don ka jingpluh ding bad kane kala don ak jingiatreilang bad ki pulit pynlip ding ka sorkar jylla.
Ia ka kynhun jong ka State Disaster Response Force (SDRF) la ialam da u bah PH Khongsngi, Commandant, SDRF bad u bah B Sahkhar, u ba dei u 2nd in Command, ha ka SDRF ban ia leh ban tem ia kane ka jingpluh ding.
Ha kane ka jingialeh ban tem ia ka ding kaba la klang kala shim por haduh 10 kynta ia ki TSDRF haduh ba kin da lah ban pynlip ia ka ding kaba klang, ha kane ka jingpluh ding kam shym don kano kano ka jingjia kaba sngewsih.
