Shillong, Rymphang 26: Mynta ka sngi ki nongkit kam jong ka seng HNYF kila pynpaw ba man ka sngi ba da ki spah kali iaid ki trok kit masi beain ban shallan sha Bangladesh lyngba ka surok Upper Shillong.
Haba kren ha ki lat pathai khubor mynta ka sngi u Bah Faster Kharpuri general secretary jong ka HNYF Shillong Region u la iathuh ba ha kine ki khyndiat sngi na ka liang jong ka seng kala pyrshang ban bat ia ki kali kiba la suba ba ki kit masi ban leit sha Bangladesh.
Ha kane ka jingialeh ka jong ki ki lap ba da ki spah tylli ki trok kit masi beain sha Bangladesh ki iaid man ka sngi bad bun na ki nongniah trok haba ki kylli ki ong ba ki dei ki masi jong u khar bangla, na ka liang jong ka seng ka sngew lyngoh ia kata ka jingioh lad ki khar bangla ban wan khaii masi beain.
Ka seng ka ong ba kane ka jingshallan masi beain sha Bangladesh ka wan rah ia ka jingkiew dor ka doh masi ha iew ha kaba shisien kala kiew kam juh don kata ka jinghiar jong ka doh masi, kum ka seng ka kyntu ia ki pulit ba kid ei ban kem ia kine ki kali kiba wan kit masi khlem kit khlem sla.
La iathuh ba haba ki kylli na ei ki masi ki wan, ka jubab kaba ki la ioh ka long ki wan na Marigoan, Jalpaiguri bad na Khanapara. Ka seng ka kyntu jur ia ki bor jong ka ain ba kin leh ei ei ha kaba ia dei bad kane ka khaii masi beain, na long ba kin dang iai beteng ia kane ka jingbat ia ki kali kit masi beain sha Bangladesh.
