Shillong, Nailar 20: Ki bor shipai jong ka Assam Regimental Centre (ARC) kila khang ia ki paidbah ban iaid ha ka jingkieng iaid kjat kaba don ha ka Wah Umkhen ia kaba la shna da ki phareng kane ka jingkieng mynta kala kot sha ka 150 snem bad kane ka jaka ka hap hapoh ka jingpeit jong ki shipai ia kaba la tip kum ka A-1 defence land.
Ki shipai ki iohi ba ia kane ka surok la pyndon kam ha kaba bun ki briew kiba kwah ban nang niah kali kila wan sha kane ka jaka bad kane kala pynlong ia ki shipai ba kin khang ia ka jingiarung ia mih sha kane ka jaka.
Kane ka jingkieng iaid kjat kaba la kot sha ka 150 snem naduh ba shna ki phareng mynta kala sdang orpaid bad na ka liang jong ki shipai kila juh hikai ia ki paidbah ba kiba don ha kane ka jaka ba kin sngewthuh ia kane ka jingma bad ki dei ban kiar ban lait na ki jingmynsaw.
Na ka liang jong ki shipai ki pynshai ki la leh ia kane yn ban pyndik ia ki paidbah kumba la shah kynnpoh. Ha ka juh ka por ha kane ka juh ka jaka la shna ia ka jingkieng iaid kali ia kaba ym pat dep ha duh mynta ia kaba ka kynroh jong kane ka jingkieng ym pat lah ban pyndep ka jingtrei ka dang iaid sha khmat.
Naka lynti jong ka PWD kaba don ha kane ka wah la pyndon kam da ki shipai bad ki riew paidbah bad ha kane ka jaka kam pat don kano kano ka jingjia kaba sngewsih haduh mynta, dei tang ha ka por ba slap bah ki shipai ki juh iarap ia ki paidbah ba kin kam ia kane ka wah na shiliang sha shiliang.
Ka jngpynkhuid jong ki shipai ia kane ka jaka kam dei da kano kano ka jingthmu hynrei ka jingpynkhuid ka dei ba ki pyntrei kam ia ka ‘Swach Bharat Abhiyhan’ kane ka long katkum ka kyrwoh kaba la pynlait da ki bor shipai mynta ka sngi.
