Shillong, Risaw 23: U Bah Charles Pyngrope MLA jong Nongthymmai u wei na ki nongialam ka party Congress u la ong ba kam shym don kata ka jingdawa ban bujli ia u nongialam ka Congress Legislature Party.
Haba kren ha ki lat pathai khubor mynta ka jan meit la ong ba kam shym don kata ka jingdawa ban bujli ia u nongialam ka CLP, ban bujli ia u nongialam ka CLP dei tang ki MLA kiba lah ban dawa bad kumba ka long mynta kam don ei ei kaba kum kata ka jingdawa.
Kaei kaba kum ka party ka dawa na ka AICC ka long ban bujli u President jong ka MPCC, ha kane ka jingdawa kim shym ong pat ban thung iano kane ka long kaba shai bad haba ka AICC ka thung ia u bah Vincent H pala ki pdiang ia u kum u president.
Ka jingkynnoh ba ka don kata ka jingdawa ban weng ia u nongialam ka CLP kam shym don kaba kum katta, lada jia ba u Dr. Mukul u iehnoh ia kata ka kam ruh kan sa long thylli ym dei ban da dawa, u bah Charles u la ong ba kum ka party ka iatyllim kam shym don kano kano ka jingiapher jingmut.
La iathuh ba u President ka party u don sha Rajabala ban leit ialap kanbas ilekshon ia ka kyrtong jong ka party ha kaba u bah Pala bad u Dr. Mukul ki iatrei shitom ban pynjop ia ka party ha kane ka ilekshon shiteng samoi.
