Shillong, Iaiong 27: U Sengchattak D Shira, DTO jong ka West Garo Hills District, Tura u la ai ka jingujor sha ki pulit ba ha ka 18 tarik mynta u bnai u wei u briew u ba kyrteng u Anowar Hussain u la leit sha ophis bad pynithuh ia la de kum u ba dei peit ia ka “Cyber Crime-cum-Crime bad Criminal Tracking Networking System (CCTNS), Lakhipur Police Station, Goalpara, Assam.
Ha kane ka jingujor na ka liang jong u DTO jong ka Tura u la iathuh ba une u briew u la wan jngoh ia ka ophis jong u DTO jong ka West Garo Hills District, hynrei khlem ka jingtip jong ki briew na ka ophis ula khylli ia ki phail bad u la shim noh ia ki kot ki sla jong ka phom 21 bad 22 jong ki lai tylli ki bike kiba don ia u number ML-08-F-0231, ML-08F-0375 bad ML-08F-466.
