PM addressing the gathering at the inauguration of the first-ever National Training Conclave at the International Exhibition and Convention Centre, in Pragati Maidan, New Delhi on June 11, 2023.
New Delhi, Jylliew 11: U Myntri Rangbah Duh, Narendra Modi u la plié ia ka National Training Conclave kaba nyngkong ha ka International Exhibition and Convention Centre, Pragati Maidan, New Delhi.
Ka jingai jingkren jong u Myntri Rangbah Duh ka la dap da ki khana shaphang ki jingshem jong u ha ki kam sain pyrthei bad jingpyniaid kam jong u kiba bun bha. Da kaba ai kum kine ki nuksa ha ka jingai jingkren, u la ban jur halor ka jingdonkam ia ka jingai jingshakri ha ki kam Sorkar.
Ka jingsngew lajong ban pynurlong ia ki jingthmu jong ki briew, ka jingdonkam ban kyntait ia ka kyrdan bad ka jingpyndonkam jong ka jingtbit jong baroh ki nongtrei, ka jingdonkam jong ka Jan Bhagidari.
Ka jingthrang ban pynbha bad saindur thymmai ia ka rukom treikam, ha ryngkat kiwei kiwei. U la ong ba ki jingai jinghikai ki dei ban long ha kata ka rukom ba ki nongtrei Sorkar ki ioh ia kine ki jinglong.
Ha ka jingkren shaphang ka jinglong Myntri Rangbah jong u mynshuwa bad ka jinglong Myntri Rangbah Duh mynta, u la ong ba ka Sorkar kam ju duna ki ophisar ba don sap, kiba ieid ia ka kam bad kiba kwah ban leh ia kaba bha.
U la ong ba kumba ki kynhun iada ri ki la wanrah ia ka jingshaniah jong ki briew, ka dei ka kamram jong baroh ki nongtrei Sorkar ba kin kyntiew ia ka jingshaniah jong ki briew ha ka rukom treikam jong ka Sorkar.
U Myntri Rangbah Duh u la ong ruh ba ka jingai jinghikai ka dei ban long na ka bynta ka rukom treikam kaba pyndonkam ia baroh ki bynta jong ka Sorkar da kaba bynrap ba dei ban leh katba lah ban kyntiew ia ki sap jong ki nongtrei.
U la ban jur ruh ba ka jinglong kaba mynshuwa ha kaba ka jingshah phah sha ki jaka ai jinghikai ka dei kaba sngew kumba shah pynshitom ka dang kylla. U la ong ba ki jaka ai jinghikai ki dei kiwei na ki jaka kiba kongsan tam namar ki pyntbit ia ki briew kiba trei ha ki tnat Sorkar da ki phew snem.
U Myntri Rangbah Duh u la kyntu ruh ia ki ophisar ba kin kyntait ia ka jingshahteh ha ka jingpeit ia ka kyrdan bad ban wad ia kito kiba la tbit ha ka kam.U Myntri Rangbah Duh u la ong ba ki jingai jinghikai ki dei ban wanrah ia ka jingngeit ha ka Jan Bhagidari ha baroh ki nongtrei Sorkar.
U la ong ba ka jingjop jong ka Swachh Bharat Mission, prokram Aspirational Districts, AmritSarovar bad ka bynta jong ka India ha ki kam ai jingsiew digital ha kane ka pyrthei ki dei namar ka Jan Bhagidari.
U Myntri Rangbah Duh u la ong ba ka jingai jinghikai ka dei ia baroh ki kyrdan bad ia baroh bad namar kane, ka rynsan iGOTKarmayogi ka la wanrah ia ka jingryntih namar ka plié lad ia baroh ba kin ioh jingpyntbit. U la ong ba ka jingpoi haduh 10 lak ki jingkyntiew kyrteng ha ka iGOTKarmayogi ka pyni ba ki briew ki kwahia ka jingpyntbit.
U la ong ba ka Karmayogi Mission ka thmu ban kyntiew ia ka rukom treikam, ka rukom pyrkhat jong ki nongtrei Sorkar khnang ba kin long kiba hun bad kiba kmen, bad namar kane, ka jingai jingshakri jong ka Sorkar kan kham bha.
U la kitbokkitrwiang ia baroh kiba iashim bynta ha ka conclave bad u la ai jingmut ia ki ba kin wad ia ki bynta ba lah ban pyntreikam khnang ban kyntiew ia ka rukom ai jingpyntbit ha ka ri. U la ai jingmut ruh ba kan don ka rukom treikam kaba pura ban pynlong ia ka Conclave na ka por sha ka por.
