Shillong, Risaw 23: Mynta ka sngi ka seng Congress kala pynlong ia ka jingialap ilekshon hapoh Iew Mawryngkeng ban pan ia ka jingkyrshan jong ki paidbah ia u kyrtong ka seng u bah Highlander Kharmalki ha kane ka ilkeshon MLA Shiteng samoi kaban longha ka 30th Risaw 2021.
Haba kren ha ka jingialap paidbah u bah Pynshngianlang Syiem ba la leit phai biang sha ka party Congress ba dei MDC na Mawkhar-Pynthorbah Konstitwensi u la ong ba kane ka dei ka rai ia u snem 2023 bad u da kyrpad ia ki paidbah ba kin ai ka jingkyrshan ia u kyrtong ka seng Congress.
U Bah Mayralborn Syiem, MLA u bah Mahemaia Tyngkan, u bah Bajop Pyngrope MDC, kila pynshai ia kaei kaba kane ka sorkar MDA kaba la ialam da ka party NPP ba ki khlem lah ban pynurlong ia ki jingdon kam jong ki paidbah bad kila kynnoh ba kane ka sorkar kala leh bun ki kam kiba khlem nognrim.
Ha ka jingkren jong u bah Charles Pyngrope MLA jong ka Nongthymmai, u la kyrpad ia ki paidbah ba kin ai ka jingkyrshan ia u Bah Kharmalki kyrtong ka Congress, la pynshai ba kum ka iing ka sem kala ai ka jingkyrshan ia u kumba la pdiang da ka party.
U bah Charles u ka kynthoh jur pyrshah ia ka District Council kaba la pynieng ia ki khyrdop ha baroh shilynter jong ka Shillong Bye Pass, la ong ba kane ka dei ka jingleh be ain jong ka KHADC, la ong ba ka tnad DC(A) kala thoh sha KHADC halor kane ka jingdon ki khyrdop ha surok bah.
Ha ka jingkren u kyrtong u bah Highlander Kharmalki u la kyrpad ia ki paidbah ba kin ai ka jingkyrshan ban pynjop ia u ha kane ka kynti kaba mynta, u la ai ka jingkular ba un trei na ka bynta ka konstitwensi, u la pynpaw ba ka jingleit jong sha kawei ka party kan long ba kata ka party ka kham bha ia kaba u don mynta shuwa.
Ha kane ka sngi da ki spah ngut ki briew kila wan ban sngap ia kane ka jingialap ilkeshon ka party Congress namar ka dei artad ruh ka sngi iew hapoh Mawryngkeng bad ka jigwan ka long ban sngap ia ka jingpynshai ki nongialam ka party Congress ha kane ka ilekshon MLA Shiteng samoi.
