Shillong, Nailur 04: U Symbut Myntri rangbah ka jylla u bah Prestone Tynsong mynta ka sngi u la ong ba kane ka jingpang khlam COVID-19 imat kala sdang saphriang paidbah ha kane ka jylla Meghalaya.
La ong ba kan nym don kano kano ka sorkar ka pyrthei kaba lah ban iada ia kane, ban iada ia kane ka long ba ki paidbah ki dei ban but ia ki jingbthah ka tnad ka koit ka khiah, kata ka long ban deng ia ki mask, ban sait kti bad ban pyniajngai iwei na iwei.
U Myntri ka koit ka khiah u bah AL Hek u la iathuh ba mynta ka sngi la test COVID-19 positive ha ka jylla baroh kawei 108 ngut, na kine 27 ngut ki dei na ki kynhuns hipai bad 81 ngut ki dei ki riew paidbah.
La iathuh ba ka East Khasi Hills District kiba la test COVID-19 mynta ka sngi ki long 43 ngut, Ri Bhoi District 27 ngut, West Jaintia Hills 6, North Garo Hills 2, East Jiantia Hills 4, South West Khasi Hills 1, West Garo Hills 27. Kiba shitom baroh ha ka jylla ki lontg 1252 ngut.
Kiba la koit pat na kane ka jingpang ki long 1468 ngut, kiba la koit mynta ka sngi ki long East Khasi Hills 33 ngut, North Garo Hills 1, East Jaintia Hills 2, Ri Bhoi 20, West Jaintia Hills 1, West Garo Hills 5, West Khasi Hills 13 ngut.
Ki nongmuna kiba la shim haduh mynta ki long 95457 ngut, kiba long negative ki long 91989 ngut bad ki reslot kiba dang ong ki long 734 tylli bad kiba la wan phai sha ka jylla ha duh mynta ki long 33333 ngut.
