Shillong, Jymmang 08: Mynta ka sngi katba ki briew ki dang tih nongrim iing ia kawei ka jaka hapoh ka shnong Mawlynrei Nonglum la lap ia kawei ka kynja synduk kaba la buh bha bad hapoh katta don u kuli jong ka Tank thma.
Ki pulit kila iathuh ba ka jingjrong u ne u kuli u long 13 inshi bad ka jingpyllun sadong ka long 12 inshi ka jingiar ka long 3.5 inshi, u ne u kali la song bha bad ba khlem pyndon kam hynrei u la kem sarang. Ka jaka kaba la lap dei jong riew shimet.
Ia une u kulo la shimti da ki pulit bad la buh bha ha ka kti jong ki bad la peit bniah mynta da ka kynhun pulit ba dei peit na ka liang jong ki Bomb Detection bad Disposal squad (MDDS) kiba dei ki pulit jong ka jylla Meghalaya.
Na ka liang jong ki pulit kila pynlong ia ka jingtohkit ban lap ia ka tynrai jong u ne u kuli, ha ka juh ka por la pynkhreh ruh ban pynduh noh ia u ne u kuli katkum ki kyndon kiba la don kumno ban pynduh noh.
