Shillong, Risaw 15: Ka elekshon MDC sha ki ar tylli ki iing dorbar jong ka Jaintia Hills Autonomous District Council (JHADC) bad Khasi Hills Autonomous District Council (KHADC) kan long ha ka 27th Rymphang 2024, kaba dang sah sa san mynta mynta.
Lada ia ka elekshon MDC sha ki iing dorbar thawain jong ka JHADC bad KHADC yn pynlong katkum ka por kaba dei ban long ka sngi thep vote kan long ha ka 27th Rymphang 2024, hynrei ban pynjlan ne pynlong ha ka por kaba dei ban long ka shong ha ka kabinet ban rai.
Katkum ka jigntip kaba u SP News Agency u la ioh, ka long ba ka tnad ba dei peit ia ka District Council kala pynkreh ba ka ia ka jingpymih ia ka electoral roll na ka bynta ka JHADC bad KHADC katkum ka rule 129(I) kan long ha ka 8/1/2024.
Lada don ka jingujor ne ban pynrung kyrteng thymmai hapoh ka rule 129(3) kan long naduh 8/1/2024 haduh ka 22/1/2024, ban weng ne pynrung ia ki kyrteng kiba la thep bad ujor hapoh ka rule 129(3) kan long ha ka 29/1/2024. Ka jingpynmih ia ka electoral roll kaba paka katkum ka rule 129(4) kan long ha ka 1/2/2024.
Ka jingthep kyrteng ban ia khun ia ka MDC elekshon sha ki konstitwensi jong ka KHADC bad JHADC hapoh ka rule 124 (2) kan sdang ha ka 02/02/2024 bad katkum ka rule 133 (2)(a) ka jingthep kyrteng kan kut ha ka 8/2/2024 shuwa ka lai baje.
Ka sngi ban bishar bniah ia ki kot thep kyrteng katkum ka rule 133(I) kan long ha ka 8/2/2024 bad ka sngi ban weng ia ka kyrteng na ka jingiakhun katkum ka rule 133(9) kan long ha ka 9/2/2024 bad ka jingpynmih ia ki kyteng jong ki kyrtong ban ia khun ia ka elekshon katkum ka rule 135(4) kan long ha ka 12/2/2024.
Ka sngi thep vote kan long ha ka 27/2/23 naduh ka por 7.00 baje mynstep haduh ka por 4.00 baje jan miet bad ka sngi niew vote kan long ha ka 01/03/2024, ka dei ka jingpynkhreh, hynrei ka shnong ha ka kabinet ban shim ia ka rai, lano ban pynlong ia ka elekshon sha ka iing dorbar jong ka KHADC bad JHADC namar kine ki ar tylli ki iing dorbar kin kut ha u bnai Lber 2024.
