Shillong, Naitung 28: Mynta ka sngi ka kynhun na ka District Child Protection Unit bad ki pulit kila leit ban khynra biangh ia ka Edenbari Resort ban shim ia ki jain phong bad ki kot ki sla jong ki khynnah kiba la ioh banpynlait na katei ka jaka.
Ha kane ka jingleit khynra kila lap ba don kawei ka jingkhang kaba rit, haba la pynpaid ia kane ka jingkhang la lap ba ki don ki tiar pynbthei bad kiwei ki tiar na katei ka jaka jong u Bernard N Marak.
Ki pulit kila ioh 35 tylli ka ja ba pyndon kam ha dynamait, 100 tylli ki tikli, saw tylli ki ryntih bad 15 tylli ki khnam, ia kine baroh la shimti da ki pulit ha ka jingdon ryngkat ki nongsakhi na ki riew paidbah, ia kine baroh yn sa rah sha iing bishar.Na ka liang jong ki pulit kin pynngat ruh ia ki Bernard N Marak hapoh jong ka ain Explosives Substances Act, 1908.
Na ka liang jong u Superintendent ki Pulit jong ka West Garo Hills la pynsngew bah katkum ka kaiphot kaba la ai da ki doktor ba u wei na ki khynnah bala ioh ba pynlait la shem ba la shah leh beijot bad la ujor ejahar thymmai pyrshah ia u Bernard hapoh jong ka POCSO Act.
