Shillong, Nohprah 11: Ki nongtrei ba pura jong ka Mawmluh Cherra Cement Limited (MCCL) kiba dang don ha ka kam baroh ki long 205 ngut, kine baroh kin ioh ia ka Voluntary Retirement Schmne (VRS) kaba mut ka jingshong thiat kaba khlem pat dei por.
U Chief Genenral Manager u bah K Lyngdoh haba kren ha u SP News Agency la iathuh ba ki nongtrei ba pura jong ka MCCL ki don 205 ngut haduh ka sngi ba ka kabinet kala shim ia ka rai ban ai ia ka VRS sha ki nongtrei ka MCCL.
U bah Pynsgkhem Lyngdoh President ka seng ki nongtrei ka MCCL, la ong ba ki nongtrei ruh kila dei ia kren bad ka sorkar halor kane ka VRS bad kaba sah mynta ka long ba kibor ba pyniaid ia ka MCCL kin khot ia ka jingiakren ban ia pynbeit.
Kawei na kita ka long ba naduh ba ka MCCL kam iaid beit shuh ka sorkar kala siew ia ki shiteteng shiliang bad kan don kaba ki dei ban ioh na ka tulop, khmih lynti ba kin sa ia kynduh bad kibor pyniaid ka MCCL ban ia pynbeit.
