Shillong, Lber 20: Ha ka jingiatreilang ha pdeng ki pulit bad ki shipai BSF la ioh ban bat ia kawei ka kali ka Tata Sumo na Ichamati bad la ioh ban kem ar ngut ki nong India kiba don ha kane ka kali namar ba kim lah ban pynshisha ia ki mar beain ba ki kit.
Kane ka jingbat jong ki shipai BSF ia kane ka kali ka long ba kila ioh ia ka jingtip ba kane ka kali ka kit ia ki mar beain da ka jingthmu ban shllan sha Bangladesh, haba la kylli kim shym la lah ban jubab kumta la kem ia ki bad la shim ruh ia ki mat kiba ki kit ha kali.
Ia kine kimar kiba la ioh ban kurup la aiti ha ki Kustom ophis kaba don ha Shella ban leh ia kaba don kam katkum ka ain haba ia dei bad kine ki mar bala ioh kurup na ki nong khaii beain.
Na ka liang jong ki pulit bad ki BSF ka don ka jingiatreilang kaba jan bha ha khappud ban pynthikna ba ki nongkhaii beain kin nym ioh lat ban leh iaki kam beain ha khappud bad ka Bangladesh la ka long ha kano kano ka rukom ruh bad ka dei ka kam jong ki BSF ban iada ia u pud u sam bad na ka jingwan rung tuh jong ki briew sha shilling u pud.
