Shillong, Risaw 08: Ki shipai BSF kiba don ha Ryngku kaba hap ha ki bynta jong ka East Khasi Hills District kila ioh ban kem ia u wei u khar Bangladesh Ryngku bad ar ngut ki nong India kiba ia don lang ha kali bad na ki la ioh ban kurup ka pisa T.2.32 lak tyngka na khappud Bangladesh.
Ka kynhun shipai BSF kaba don ha Ryngku namar ia ioh ia ka jingtip kila pynlong ia ka jingap ktem bad kila ioh ban bat kawei ka kali ha surok Ryngku-Mawsynram ha khappud bad ka Bangladesh ha kaba na ka kali la ioh ban kem u wei u khar Bangladesh.
U khar Bangladesh u bala shah kem la tip kyrteng kum u Mohmmad Milan Ahamed ba shong bas ah ha Sunamganj district jong ka Ri Bangladesh, na ka kali laioh ban kem lang ia ki ar ngut ki nong India bad haba la talasi la ioh ban kurup T.2.32 lak tyng ka pisa India.
Na ka liang jong ki BSF kila aiti ia kine sha ki pulit jong ka Mawsynram Police Station ba kin leh ia kaba don kam katkum ka ain, ban dang beteng shuh shuh ia ka jingthoh kit ha kaba ia dei bad kane ka jingia.
