Shillong, Nailar 21: Ki pulit jong ka Ri Bhoi District kila kem lai ngut ki briew kiba la suba ba ki dei ki dkhot jong ka seng HNLC, kiba la shah kem ki long u bah Equest Langsiang 31 snem, u Deiborlangki Sariang 31 snem bad u Markhlan Biam 34 snem na Laskein.
Katkum ka kyrwoh kaba la phah da ki pulit jong ka Ri Bhoi District la ong ba u Equest Langsiang 31 snem la suba ba dei u dkhot ka seng HNLC bala don bynta ban ia sylla bad ki dkhot ka seng kiba dang don sha Bangladesh ban buh bom ha bun ki bynta ka Khasi bad Jaintia Hills.
Ki pulit kila ioh ban kem ia u Equest Langsiang na lad Bethany Hospital Nongpoh ha ka 20/Nailar/2024 bad na ka met jong u la ioh ban kurup bun ki kot ki sla kiba la buh ha ka phone jong u bad ki pulit kila shim bad la register ia ka ejahar hapoh Nongpoh Police Station hapoh ki kundon No.87(08)2024 U/s 113 (3) (5) BNS.
Ha ka jingtohkit u Equest Langsiang ki pulit kila kam ba u la phla ba die u dkhot jong ka seng HNLC ryngkat bad kiwei ki dkhot ka seng kila don ka jingthmu ban buh bom ha ka 14 bad 15/ Nailar/2024 ia kane la phla ha khmat ki pulit bad u la jer ruh ia ki kyrteng jong kiba thmulang.
Halor ka jingphla ka jong u la ioh ban kem ia u Deiborlangki Sariang 31 snem na Nartiang bad ia u Markhlan Biam 34 snem na Laskein West Jaintia Hills District, la kam ba kane ka jingthmu ban buh bom ka dei katkum ka jingbthah na Bangladesh.
