Shillong, Nailur 18: Mynta ka sngi u Superintendent ki Pulit jong ka East Khasi Hills District bah S. Nongtnger ha ka kywoh kaba la phah sha ki lat pathai khubor la iathuh ba ki pulit kila kem saw ngut ki briew halor ka jingshah ujor ba kila dawa pisa.
Kiba saw ngut kiba la shah kem ki long u Garnett Gedian Khongwir, 30 snem, u Kyrshanbor Lyngdoh, 38 snem kine baroh ar ngut ki dei ki dkhot jong ka seng HNYM, kiwei ar ngut kiba la shah kem lang ki long u Thounaujam David Singh, 41 snem bad u Narendra Kabrambam, 29 snem.
Ka jingkem ia ki long ba ha ka 24/Nailar/2024 la ioh pdiang ia kawei ka ejahar ha thanad jong ka Madanriting halor ka jingphone ki jong ki briew kiba ym lah ban tip ha por 07:00 baje mynmiet ha kaba kila dawa pisa T. 10,00,000/- lak tyngka.
Kita ki briew kiba ym lah ban tip kila phone na ka por sha ka por da ka jingbyrngem byrsit lada ym siew ia ka pisa bad la bthah ba kin siew noh mardor. Hynrei ba shah dawa pisa khlem pyndem ha ka ki nongdawa.
Kine ki briew kiba ym lah ban tip ryngkat bad ar ngut kiwei pat ki briew kila leit sha iing ba shah dawa pisa ha 20/Nailar/2024 ha ka por 07:00 baje mynmiet da ka jingthmu ban dawa pisa. Ha katei ka por ba ujor ym don ha iing hynrei la byrngem ia ka khun kaba don ha iing.
Halor kane ka jingjia la register ejahar ha ki kam sniew ha thanad Madanriting, bad ha ka jignthoh tokit k pulit kila kem ia kitei ki saw ngut ar ngut ki dkhot ka HNYM bad ar ngut kiwei pat , halor kane ki pulit ki dang bteng shuh shuh ia ka jingtohkit ban lap ia ki jingshisha baroh.
:
