Shillong, Nailar 12: Ki pulit jong ka East Khasi Hills District kila ioh ban kem saw ngut ki briew kiba la shah kynnoh ba kila don kti ha kaba rabor ia ka trok kit nar rod na Mawryngkeng By- Pass. Kiba la shah kem ki long u bah Deibormi Mukhim 40 snem, u bah Robert Shadap 25 snem, u bah Babiangbor Mylliem 38 snem bad u bah Shopstarwell Jana 35 snem.
Ha ka kyrwoh kaba la phah da ki pulit mynta ka sngi la iathuh ba ha ka 9/Nailar/2024 la ioh ia ka ejahar na u bah Deibormi Mukhim bad na u bah Robert Shadap ba ha ka 8/Nailar/2024 ba ka kali jong ki kaba don ia u Registration number NL-01-K-6051 kaba khatar shaka ka kit nar rod kaba la pynieng ha Mawryngkeng By-Pass, ha kaba ki briew kiba ym lah ban tip kila rung hapoh kali bad pynap da ki tari.
Katkum ka ejahar la ong ba kane kala jia ha ka por 8.50 baje mynmiet ha kaba la tan jubor ia ki ha kawei ka kali Alto 800 bym don number bad la rah ruh ki briew kiba don ha ka trok kaba don ia u number ML-05-T-3858 bad la bat ia ki baroh shimiet bad la pynlait ia ki sha Pynursla ha ka 9/Nailar/2024.
Haba la ioh ia kane ka jingujor na ka liang jong ki pulit kila pynlong ia ka jingtohkit bad ha kane ka jingtohkit, la shem ba dei u Deibormi Mukhim bad u Robert Shadap kiba la pynkhreh ban pynhap ia nar rod ha Pammura bad na katei ka jaka la thep pat ha kawei ka trok kaba don ia u number ML-05-T-3858.
Ia kine ki nar rod kiba la shah tuh la ioh ban kurup noh na Laitkyrhong bad Jongsha bad la ioh ban kit biang ia u nar road ka long 18.5 tone kaba la kot sha ka T.9.5 lane T.10 lak tyngka katkum kane ka dor iew kaba mynta. Ia ka trok kaba la ong ba la shah rah bor la lap na Mukhla bad ia ka trok ba kit ia u nor rod la ioh kurrup na 7″ mile Baniun, Upper Shillong.
Haba ia dei bad kane ki pulit kila register ia ka ejahar ha Mawryngkeng Pulit station Case No. 24 (8) 2024 U/s 309 (4)/137 (2) BNS, haba ia dei bad kane ki pulit kila kem saw ngut kibriew kiba la shah kynnoh, kita ki long u Deibormi Mukhim 40 snem , bah Robert Shadap 25 snem, u bah Babiangbor Mylliem 38 snem bad u bah Shopstarwell Jana 35 snem.
Ki pulit kila kem kylla ia u bah Deibormi Mukhim 40 snem , bah Robert Shadap 25 snem kiba la ia ia ka ejehar namar ki pulit ki suba ba dei kien ki ar ngut kiba la ia suh buid ia kane ka kam sniew bad ki ar ngut kiwei pat u bah Babiangbor Mylliem 38 snem bad u bah Shopstarwell Jana 35 snem.
