Shillong, Naiwieng 16: Mynta ka jan miet ki pulit kila ioh jingtip ba ka Don kawei ka briew ka ba latip kyrteng kum ka Rachel Niangboi 38 snem ka rta ka sahi ha Thembasuk, Block-F- Madanryting ba la suba ba ka Don ia ki jingdih ba sniew.
Na ka liang jong ki pulit kila khang kdong ia ka, ha ryngkat ki nongsakhi la talasi ia ka bad la ioh ban kurup 10 tylli ki song sabon na iingsah jong ka ia ka ba la buh ha ki synduk kot.
Haba la kylli tohkit bad haba la test ia kine kiba song ha ki synduk sabon la shem ba dei u drok ba latip kum u herion bad ka jingshim jong u baroh u long hasuh 107.78 kram, ia kane ka briew la register ejahar ha Madanriting police station hapoh ki kyndon jong ka NDPS.
