Shillong, Lber 20: Ki riew sniew ki la pyrshang ban pynjot ia ka jylla Meghalaya da ka jingpyntur ia ki nongkhaii drok bad kane ka long kaba ma bha haduh katta katta ia kaba ki pulit ka jylla kila trei shitom ban thwet ia ki nongkhaii drok.
Mynta ka sngi ki pulit jong ka nongbah Shillong lyngba ka kynhun kaba kyrpang kaba la tip kum ka ANFT ha dien ba kila ioh ia ka jingtip kaba biang kila ioh ban bat ia kawei ka long kmie bad na ka la ioh ban kurup drok heroin 81 gram.
Kane ka jingshlur jong ki nongkhaii drok haduh ba kim salia shuh ia ki bor jong ka ain kala pynwit ia ka imlang sah lang, ki pulit kila dang pynkhlain shuh shuh kumno ban ia khun pyrshah ia ki nongkhaii kiba thmu ban pynjot ia ki khun samla da u drok.
