Shillong, Jylliew 29: Ka tnad pulit mynta ka sngi la pyntip ba la kem ia ki saw ngut ki briew kiba la shah kynnoh ba kila don kti ha kaba soh ia ki briew ha ki lai tylli ki jaka da kawei ka kynhun niah bike ha ka miet 24/6/2022.
Ha ka kyrwoh la ong ba kitei ki saw ngut kiba la shah kem la kynnoh ba kila shoh nyngkong ia u pulit pyniaid kali ha lad iing bah SD Khognwir ha Mawlai Iewrynhep namar ba u la pynsangeh ia ki ba ki khlem deng jingda khlieh.
Ki pulit kila ong ba kane ka juh ka kynhun ynda ki poi ha Mahari Petrol Pump kila shoh da ia u wei nongrah jing bam jong ka Swiggy ha Jaiaw bad ynd a ki poi sha Jaiaw pdeng kila shoh ia ki ar ngut ki samla pule na Kerala ha kaba ki dang ieng ha ES Restaurant.
Haba ia dei bad kane ka jingjia ki pulit kila register ia ka ejahar ha ki ar tylli ki police station, kawei ka Mawlai bad kawei ha Lumdiengjri hapoh ki kyndon ai bapher bapher, la ong ba ka jingkem ia ki ka long ha dien ba kila tohkit bha halor kitei ki jingjia.
Ha ka jingtohkit ki pulit kitei ki saw ngut ki briew ki pulit kila kam ba kila phla ba kila leh ia kane ka kam shoh briew, ia kine ki saw ngut kiba la shah kem la rah ia ki hapoh iing bishar bad ka jingthwet ban ioh kem ia kiwei kiba shah kynnoh don kti ka dang iaid sha khmat.
