Shillong, Jylliew 11: U Superintendent ki pulit jong ka Ri Bhoi District la pyntip ba ki pulit jong ka Ri Bhoi District kila ioh ban kem ia u Cyfrank Paul Pariat 25 snem bala kam ia lade ba dei u Commander ka sengg Hynniewtrep National Liberation Council (HNCL) bad ar ngut kiwei pat, u Kitbok Mujai 23 snem bad u Barnabas Lyngdoh 49 snem.
Ha ka kyrwoh kaba la phah na ki pulit jong ka Ri Bhoi la ong ba, ha dien ba kila ioh ia ka jingujor ba kala don ka jingshah dawa pisa ha ki briew kiba kam ba dei ki dkhot ka HNLC ha ki thian Mawhati, Umroi jong ka Ri Bhoi District bad ha Shillong, ki pulit kila pynlong ia ka jingohkit.
Ki pulit kila kam ba ia kane ka jingdawa pisa la ialam da u Cyfrank Paul Pariat u wei na ki dkhot bala rim ka seng HNLC, ha kaba ki pulit kika kam ki dkhot ka seng HNLC kila dawa pisa bad byrngem la da kim siew.
Haba ia dei bad kane ka jngshah dawa pisa ki pulit jong ka Ri Bhoi kila pynlong ia ka jingkhynralang bad ki pulit kiba kyrpang ha kaba la ioh ban kem ia u Cyfrank Paul Pariat ba ki pulit ki kynnoh ba dei u dkhot ka seng HNLC, bad ia ki ar ngut kiwei pat, Kitbok Mujiar 23 snem bad ia u Barnabas Lyngdoh 49 snem.
Ki pulit kila kynnoh ba kitei ki lai ngut kidei kiba pynrung dkhot bad kiba pynioh ia ka pisa bad ban pynphriang ia ki kam katei ka seng ha u snem 2023 kila leit sha Bangladesh ban shah hikai. Ki pulit kila register ia kane ka ejahar hapoh Umiam Police Station.
Ia ka ejahar la register hapoh Umiam PS Case No. 46(06)2024 hapoh ki kyndon, 120B/506IPC/ R/W kyndon 10/13/17/18 jong ka UAP Act. Na ka liang jong ki pulit kin dang pynlong shuh shuh ia ka jingtohkit ban lap ia kiba don kti la ki dei ki riew shimet ne ki kynhun, la kyntu ia ki paidbah ba kim dei ban pyndem ha khmat jong ka HNLC.
