Shillong, Jylliew 11: Mynta ka sngi ha ka por 11.30 baje mynstep u wei u briew u ba la tip kyrteng kum u Bah Talbinus Dhar 24 snem u ba niah taxi, katba u dang dih sikret ha dukan M/s New Starlight Mobile Shop, Jowai West Jiantia Hills District, u nongshong kane ka dukan u Dharmendra Kumar Shah 23 snem u la ong ia u ban nym dih sikret.
Hynrei, la ong ba u Talbinus Dhar u la pyrshah ia kane ka jingong u nongap dukan bad kala mih ka jingiaktah kti mar kylliang bad ha kane ka jingjia u Talbinus Dhar u la mynsaw malu mala hynrei ha dien jong kane kala don ka jingialum briew ha khmat katei ka dukan.
Haba ia dei bad kane ka jingjia na ka liang jong ki pulit jong ka Jowai Police station kila poi biang por bad kem ia u Dharmendra Kumar Shah. Na k aliang jong u ba Bah Talbinus ruh u la ai ka jingujor hapoh police station.
Hynrei kila don ki briew kiba la tur sha Kowai Police Station kumba 50 lane 60 ngut ban ia pyrta ha khmat jong ka policer Station. Haba ia dei bad kane na ka liang jong u District Magistrate jong ka West Jiantia Hills u la pynjari ia ka kyndon 144 CrPC ban khanglad ia ka jingialum briew ha ka shijaka palat ia ka saw ngut bad la khang ban rah ia kino kino ki tiar pynmynsaw.
