Jowai, Lber 11: Ki pulit jong ka East Jiantia Hills ha kine ki ar sngi ka 10 bad 11 tarik mynta u bnai kila kem haduh 23 tylli ki trok kit dewiong beain hapoh jong ka District, kane ka long katkum ka jingiathuh jong ki pulit jong ka East Jiantia Hills.
Ha ka 10 tarik ki pulit kila ioh ban kem haduh 12 tylli ki trok kit dewiong beain na Kuliang haka 11 tarik mynta ka sngi 9 tylli na Lumshong bad 2 tylli ki trok la ioh kem na Sonapur.
Kitei ki 23 tylli ki trok kiba la ioh ban kem ki long na ki saw tylli ki jaka bad ia kine ki trok la register ia ka ejahar hapoh jong ka Lumshong police Station ha ki kyndon ain bapher bapher.
Na ka liang jong ki pulit kila pynpyrkhing ban peit ba ki nongleh ia ki kam pyrshah ia ka ain khangtih dewiong kim dei ban ioh bad ka jingthwet ban kem ia kine ki trok kit dewiong beain.
