Shillong, Iaiong 05: Mynta ka sngi ki pulit jong ka Ri Bhoi District ha dien ba kila ioh ia ka jingtip ba ka don ka kali kaba kit drok kila pynlong ia ka jingap ktem bad kila ioh ban bat ia ka kali bad la ioh ban kem ia u wei u ba la suba ba dei nongkhaii drok.
Ha kane ka jingioh bat ia u briew u ba kila ioh jingtip la kam ba kila ioh ban kurup ia u drok bala shong dor haduh shiklur tyngka, ki pulit kila register ejahar pyrshah ia u ba la shah kem bad ban tohkit katkum ka ain.
Na ka liang jong ki pulit ka jylla kila dang pynkhlian shuh shuh ia ka jingtreikam ban ia khun pyrshah ia ki nongkhaii drok kiba thmu ban pynjot ia shibun ki khun samla kane ka jylla, na ka liang ki pulit kila kut jingmut ba kin nym ailad ia kane ka jingsniew ba kan saphriang ha kane ka jylla.
