Shillong, Nailur 06: Ki pulit jong ka nongbah Shillong kila ioh ia ka jingpyntip ha ka por shiteng synia ba la don lai ngut ki briew kiba la i suba ia ka rukom iaid rukom ieng jong ki. Haba la ioh ia kane ka jingtip ki pulit hapoh ka jingialang jong u bah B Jyrwa DSP City kila leit sha katei ka jaka.
Kat ban da poi sha katei ka jaka kala don ka jingialum briew bad haba la pynlong ia ka jingtalasi ki pulit kila ioh ban kurup kawei ka tin Golden, saw tylli ki song kiba rit kiba la song ha ki kot bad kawei kawei ka song ka khia kumba 0.65 gm bad la suba ba dei u herion.
Ki pulit kila ong ba la ioh ban kurup na u Manbhalang Dympep 25 snem T.45000/- tyngka katba ia ki song drugs la ioh ban kurup na ka samla Pherly Wahlang 24 snem bad u nongthied u dei u bah Biangdor Nongsiej 24 snem. Na kaliang jong ki pulit kila register ehajhar pyrshah ia ki hapoh ka NDPS.
