Shillong, Risaw 26: Ki pulit ka East Khasi Hills Distict ha dien bala ioh ia ka jingtip ba ki don ki kynhun kiba dawa pisa na ki dukan ha Iewduh bad Police Bzar na ka liang jong ki pulit kila thaw ia ka kynhun kaba kyrpang ban ia khun pyrshah ia kane ka jingshah dawa pisa dukan.
Haba ia dei bad kane ki pulit kila register ia ka ejahar bad ka Sardar Police Station, ki pulit na katei ki saw ngut ki pulit kila ioh ban kurup lai tylli ki shihti dawa pisa, ha ka kyrteng jong ka Hynniewtrep People Defense Alliance (HPDA).
La ioh ban kurup ar tylli ki slip pan pisa ha ka kyrteng jong ka seng United Khasi Movement (UKM), ar tylli ki slip pan pisa ha ka kyrteng ka seng Federation of Khasi United People (FKUP) ar tylli ki slip pan ha ka kyrteng ka seng Confederation of Meghalaya People (CMP) kawei ka slip pan pisa ha ka kyrteng ka seng Khun Hynniewtrep Youth Council (KHYC), ar tylli ki slip pan pisa ha ka seng Hynniewtrep Youth Region.
Ki pulit kila ioh ban kurup kawei ka Scotty kaba don ia u number ML05-Q-9828, na kine la ioh ban kurup saw tylli ki phone number, na ka liang jong ki pulit ki dang tohkit ban lap ia ki dukan kaba kumno ki dawa pisa bad ka jingthwet ia kiwei kiba don kti ha kane ka jingdawa pisa ka dang iaid.
Ki pulit kila ong ba kiba la shah kem ki dei ki briew kiba la don dak sniew bad kiba la shah kem teng ha kiwei ki kam sniew. Na ka liang ki pulit ki kyntu ia ki ba buh dukan ban pyntip lada don kiba dawa pisa ban pynshitom katkum ka ain.
