Shillong, Nohprah 24: Ki shipai BSF ha ka jam meit jong ka sngi Saitjan kila ioh ban kem saw ngut ki briew katba ki dang phah ia u Shini sha Bangladesh na jan Rongra jong ka South Garo Hills District.
Kiba la shah kem ki long u wei u khar Bangladesh bad lai ngut ki nong India bad la ioh ruh ban kurup ia ka shino kaba la phah sha Bangladesh, ki BSF kila bat ruh ia ka kali Bolero Pick-Up kaba la kit ia u shini hapoh katei ka kali.
Ka jingioh kem jong ki shipai BSF ia kane ka kali ka long ha dien ba kila ioh ia ka jingtip kaba thikna bad haba kila khang kdong ia kane ka kali ki saw ngut kiba shong ha kane ka kali kim shym la lah ban pyni ia ki kot ki sla kiba biang ha kaba iadei bad u Shini.
Kaba la pynlyngoh iaki BSF ka long ba u wei na kiba shong ha kane ka kali u dei u Mohammed Shamim ban a Banglangdesh ba shong ba shah Gobindpur, District Netrakona, Bangladesh.
Kiwei kiba la sha kem ki long u Amorjit Hajong na ka shnong Arapara, Baghmara; Engling Sangma na ka shnong Sanbana, Rongra bad u Ramakey R Mark na Arapara, Baghmara. Ia kine kiba la shah kem ryngkat bad ka shni la aiti sha ki pulit jong ka Rongra police Station.
