Shillong, Nohprah 23: Ki shipai BSF haba la ioh ia ka jingtip kaba bniah kila ioh ban kem 13 ngut ki khar Bangladesh kiba don kti ha ki kam khaii tuh bad na kine la ioh ban kurup 35 byrni u shini na kine ki briew.
Nalor ka shini la ioh ban kurup, ka kyaid, ksai light koper, sla sha jingtah khmat ki kynthei bad bun kiwei kiwei ki marbam haba la pynshongdor baroh kila kot sha ka T.10.50 lak tyngka. Ia kine briew la ioh kem la aiti sha ki pulit Dawki ka West Jiantia Hills District.
Ki shipai BSF kila pynlong ia ki jingkhynra ha kylleng ki jaka kiba hap ha shilynter khappud ka jylla Meghalaya bad ka Bangladesh kane ka long ban pynthikna ba ki kam khaii beain kim dei ban ioh lat.
Da ka jingiatreilang ha pdeng ki shipai BSF bad ki pulit ka jylla ha khappud la ioh ban kem bun ki mar khaii tuh kiba leit na kane ka jylla Meghalaya sha Bangladesh, ki shipai BSF ki long kiba peitngor ha kahppud.
