Shillong, Jymmang 19: Katkum ka jingpyntip kaba la ioh na u Doktor ba dei peit ia ka Mawphlang CHC bad BDO jong ka Mawphlang Block ba kala don ka jingkiew jong ki briew kiba ioh ia kane ka jingpang COVID-19 haduh 25 ngut.
Ban iada na ka jingsaphriang shuh shuh ia kane ka jingpang bad ban lah ban wat ia kito kiba don ka jingiajan bad kiba shitom na ka liang jong ka Deputy Commissioner jong ka East Khasi Hills District kala pynbna ia ka jingkhangdam ia ka shnong Madan Mawser bad Phanniewlah Neng .
Na ka liang jong ka Deputy Commissioner kala bthah bala khang pyrshah ia ki briew ban nym iarung ia mih hapoh kine ki shnong, la bthah ia ki nongshong shnong ba kin shong khop hapoh ki iing ki snem, ka mana ban ymbit ban pynlong ia kino kino jingialang ban ia lum briew.
Na ka liang jong ka Deputy Commissioner kala pynbna ba la shah ia ki nongtrei ka tnad ka koit ka khiah ba kin rung sha kine ki shnong tang kan long lyngba ka jingtip bad ka jingbit kaba dei ban ioh na u Block development officer ba dei peit, lada don kiba pynkhein kin sah pynshitom katkum ka ain.
