Shillong, Risaw 17: U bah AL Hek u myntri ba dei peit ia ka tnad Ri Dohka mynta ka sngi u la plie ia ka “Aqua Festival” ka ba la pynlong ha phyllaw jong ka State Central Library ha ryng kat ka jingia don lang ka director ka tnad Ri Dohkha ka kong Aitinolin Mawlong bad kiwei kiwei.
U Myntri ka tnad ri Dohka ha ka jingkren ha kane ka sngi u la ong ba ka kam ri dohkha ha ka jylla ka la sdang kiew bad ki briew ki la shim ia kane ka kam kum ka jingai kam ia kiwei ruh.
La ong ba ka kam ri dohkha kan long kum kawei na ki lad ai kam ia ki khun samla ha ka jylla ba kin lah ban ieng ha la ki jong ki kjat bad ban kyrshan ia ka iing ka sem jong ki.
U la pynpaw ka jingsngewnguhruh ia ki nongrep ba lyngba kane ka tamasa ka sorkar jylla kan sa lah ban kyrshan ha ka jingpynmih doh kha khnang ba kum ka jyllangim don kamshuh ban shaniah ha ki wei pat ki jylla.
Ha ba ioh ban iakren bad ki nong rep ki ba ri ia ki dohkha ki la pynpaw ba ka jingkmen ba ka sorkar ka pynlong kum kane ka tamasa kaba plie ia ka lad ia ki ba kin ioh ban wan rah ban die ia ki doh kha ki ba ki ri hi ma ki ha ki pung jong ki.
Kila pynpaw ba lyngba kine ki tamasa kin salah ban kham pynmih dohkha kham bun bad kum juhruh ban ai mynsiem ia kiwei pat ba kin shim ia ka kam ri dohkha kum kawei ka lad ai kam ia ki ba khnang ka jylla kan lah ban ioh ia ki doh kha ki ba dei na ka jylla.
