Shillong, Naitung 14: Ha ka jan miet jong ka sngi Saitjain shi kynhun ki hati khlaw kila tur sa ka shnong Jolgaongre kaba hap ha ka South West Khasi Hills District bad ha kane ka jingwan tur ki hati klaw Rikrak S Sangma 26 nsem bad khun jong Meckenson Ch. Marak kila khlad ha kane ka jingjia ba sngewsih.
Kane ka jingshah pyniap jong kitei ki ar ngut ha ki hati khlaw kala jia ha ka por ba ki nongshong shnong kila ialeh ban beh ia kine ki hati khlaw kiba la wan pynjulor ia ki jingthung jingtep hapoh ka shnong.
Mar ia ioh ia kane ka jingtip ki bor sorkar na ka District kila leit bran bran sha katei ka jaka ba don kane ka jingwan tur jong ki hati khlaw, na ka liang jong ki bor jong ka District kila lap ia kane ka met kaba la khlad ha ka jingshah tap ha ki siej kiba la khyllem.
Haba iathuh ha ki bor jong ka District Administration ba kila pyrshang ban pynlait ia kiba khlad na ka jaka ba jia, ba khlad u la ia khun tyngeh ban beh ia ki hati ban nrung sha ki jaka rep hynrei kala wan lap noh ia kane ka jingjia kaba sngewsih.
Kane ka jingjia la ka jia ha pdeng 7.00 bad 7.30 baje mynniet jong ka sngi saitjain ha kaba ki hati khlaw kila wan ban wan bam sha ki jaka rep jong ki ha shnong, kila ia beh ban iada ia ki jaka rep bad ha kane ka jingleh u wei na ki hati la sympat da u Luta ia u tei u briew bad khlad ha shen.
