Shillong, Rymphang 06: Mynta ka sngi ka nongrwai ba pawnam jong ka Ri India ka Lata Mangeskhar kala khlad ha ka rta kaba 92 snem, kane ka nongrwai la kha ha u snem 1929 bad kala khlad mynta ka sngi ha Hospital ha Mumbai.
Halor kane ka jingkhlad kane ka nongrwai ba paw nam jong ka Ri India ki khubor sngewlem kila tuid na kylleng, u myntri rangbah duh ka Ri India u Narendro Modi u la ong ki long dien kin kynmaw ia ka Lata ia ka sur ba thiang jong ka, u myntri rangbah duh ka Ri India u la kren ruh sha kiba ha iing.
U Vice President ka Ri India u M. Venkaiah Naidu ha ka khubor sngewlem kaba u la phah mynta ka sngi u la ong ba ka Lata Mangeskhar ka dei ka ‘Nightingale” ha ka baiskop jong ka Ri India. Ka India kala duh ia ka sur jingrwai ba ksiang jong ka.
U myntri kam poh iing ka Ri india u Amit Shah u la phah ia ka khubor sngewlem halor kane ka jingkhlad noh kane ka nongrwai ba pawnam jong ka Ri India, u la ong ba ka Lata ka dei ka nongrwai ka ban pynkynmaw da ki sur ba ksiang jong ka sha ki pateng band ang wan.
U Myntri Rangbah ka jylla Meghalaya u Conrad K Sangma ha ka khubor sngewlem kaba u la pynpaw lyngba ka twitter la ong ba u kpa jong u u P A Sangma u dei u wei na kiba sngew tynnad ia ka jingrwai jong ka Lata bad ha ka por ba u long u Lamphang ka Lok Sabha la khot sngewbha ban rwai ia ka jignrwai ‘Sare Jahan Se Acha’.
