New Delhi, Nohprah 28: U Myntri Rangbah Duh jong ka Ri India u Narendra Modi u mynta ka sngi u la phah ia ka khubor sngewlem halor ka jingkhlad noh u nong seng ia ka party DMDK U Thiru Vijayakanth ha ka jylla Tamil Nadu ba dei ruh u aktor ba paw bha.
Lyngba ka ‘X’ u myntri rangbah duh jong ka Ri India u la ong ba u tei u nongialam u la ieh sha dien ia ki matti trei kam jong u ha ka sain pyrthei hapoh ka jylla, ha ka khubor sngewlem la ong ba kane ka jingkhlad noh jong u ka long ka jingduh ha ka juk shna phlim ha ka ktien Tamil.
Ka sap kaba u don ban ak ha ki phlim kala khring ia u million ngut ki briew kum u aktor, bad kum u nongialam ia ka seng sain pyrthei u la aiti met bad mynsiem ban ai ka jingshakri ia ki paidbah bad u la ieh sha dien ia ki matti jong u ban sah kynmaw hapoh ka jylla Tamil Nadu.
Kane ka jingkhlad noh ka jong u kala wanrah ia ka jingthylli ha ka sin pyrthei ha kaba kan long kaba eh ban pyndap ia kane ka jinglong thylli bad u la pynkynmaw ia ka jingiakynduh jong u bad u tei u nongialam hakine ki snem kiba la dep bad kane ka long ka jingduh kaba khraw ym tang ia kiba ha iing ha sem hynrei wat ia ki nongbud.
