Shillong, Risaw 16: U Lamphang ka iing dorbar thawain ka jylla u Thomas A Sangma mynta ka sngi u la phah ia ka khubor sngelem sha kiba ha iing ha sem halor ka jingkhlad noh u MLA ba rim jong ka Nartiang Assembly Konstitwensi u bah H. Britainwar Dan ia u ba la juh khot ieit Ma Dan.
Ha ki lai sien lynter jong ka jinglong nongmih khmat u bah HB Dan u la long ruh u myntri kabinet ha ka sorkar jylla bad u la long ruh u nongialam ka liang pyrshah hapoh ka iing dorbar thawain ka jylla. U la shah jied ruh kum u MDC sha JHADC bad sha jied kum u CEM ha katei ka District Council.
U Commissioner bad Secretary jong ka iing dorbar thawain ka jylla u Dr. Andrew Simons u la pynkymnaw ba u ma Dan, u don ka jingiajan bad u bah PR Kyndiah, bah Johndeng Pohrmen. Na ka liang ka ophis ka phah ia kane ka khubor sngewlem sha kiba ha iing ha sem ha kane ka jingjia kaba sngewsih.
