Shillong, Iaiong 07: U bah Robert Kharshiing 63 snem, MLA barim jong ka Laitumkhrah bad MP barim jong ka Rajya Sabha jong ka jylla Meghalaya u la khlad noh mynta ka sngi ha Nazareth Hospital Shillong ha dien ka jingshitom kaba la bat ia u katto katne por.
U Bah Robert Kharshiing u la shah jied kum u MP sha Rajya Sabha na kane ka jylla Meghalaya na ka party Nationalist Congress Party ha u bnai Iaiong 2002 haduh u bnai Iaiong snem 2008. Ha ka jinglong MP u la don ha ki committee kiba bapher bapher jong ka Rajya Sabha.
U bah Robert Kharshiing u la jop ia ka ilekshon MLA shiteng samoi na ka 17-Laitumkhrah ha u sem 1990 na ka party HPU pyrshah ia u. Lah ban pynkynmaw ba u bah Robert Kharshiing u la dei ruh u nongialam ka seng samla pule KSU shuwa ban ia don bynta ha ki kam sain pyrthei.
Ka ophis bad ki nongtrei jong ka iing dorbar thawain ka jylla ka pynpaw ka jingsngewsih halor ka jingkhlad noh jong u bah Robert Kharshiing MLA barim jong ka 17-Laitumkhrah Assembly Konstitwensi. Na ka liang jong ka ophis ka phah ia ka khubor sngewlem sha kiba ha iing ha sem halor kane ka jingkhlad noh ka jong u.
