Shillong, Iaiong 08: U bah Sumar Sing Sawain 85 snem ka rta u nongthoh khubor bala don bynta ha ka por ia khih hills state u la khlad ha ka sngi Thohdieng ha iing sah jong u ha Labansaro ha Umroi bad ka jingleit on thang kan long la shai ka sngi ha Jingthang briew ha Jaiaw.
U bah Sumar Sing Sawain u la thoh khubor ha ka shnat pathai khubor ha ka Press Trust jong ka India (PTI) bad la neh ha kane ka kam haduh ban dang shong thiat, ha ka dien ka jingshong thait la don bad ka kot khubbor phareng ka Apphira, la thoh ruh na ka bynta ka AIR, Dordarshan bad kiwei kiwei.
Ka jingkhlad noh jong u bah Sumar ka jylla Meghalaya mynta kala dang duh ia ki riew rangbah kiba don ha kane ka kam thoh khubor bad ka jylla mynta kam don shuh ia ki nongthoh khubor na ka jaid bynriew khasi kida la don bynta ha ka jingialeh Hills State ban sakhi ia ka jingioh ka jylla Meghalaya.
U bah Sumar u la thoh ruh bun ki kot bad ka sorkar kala ai burom da kaba pynkup burom da ka Meghalaya Day Award, u la long ruh u riew rangbah hapoh ka seng khasi bad u la ong u nongkit kam ba shitrynhem hapoh ka seng haduh ki sngi ba khatduh ka jong u.
