Shillong, Jymmang 13: Ha ka miet sngi u blei ki riewsniew kiba ym lah ban tip kila rung ha iing jong u bah Romio Lyngdoh ba la 50 snem bad siat ia u bad kane kala jia ha ka shnong Lapalang kaba hap hapoh jong ka Pynursla Police Station.
Ki lad khubor ki iathuh ba kane ka jingjia kala jia ha por miet sngi u blei ha kaba ki briew kiba ym lah ban tip kila kyndar iing bad mar ia plie kila shu siat bad haduh mynta ym pat lah ban tip katno ngut kine ki briew kiba la wan rung.
Ha dien kane ka jingjia la rah bak bak sha Pongtung PHC bad la kit sha Shillong Civil Hospital, hynrei ynda la poi sha Civil Hospital Shillong ki doctor kila pynbna u une u rangbah ba la mynsaw u la khlad.
Na ka liang jong ki pulit kila register ia kane ka mukotduma bad ka jingthoh kit ka dang iaid ban lap ia ka daw bad kum juh ban iohi ia kine ki nongleh kam sniew, ong ki pulit.
