Shillong, Risaw 21: Mynta ka sngi 22 ngut ki muktiar kila pyniasoh bad ka Bharatiya Janata Party ha ka jingialang kaba la long ha ophis jong ka seng ha Shillong, da ka jingpyniasoh kine ki muktiar ka dang pynkhlain shuh shuh ia ka party.
Kine ki muktiar kiba la pyniasoh sha ka party mynta ka sngi kila pynpaw ba dei tang ka party BJP kaba kaba lah ban the lakam ia ka shong suk shongsain ha ka jylla bad kane ka party ka lah ban the lakam ban wanrah ia ka shong suk shongsain.
Kine ki muktiar ki don ruh ka jingkyrmen ban ioh ia ka ‘ National Law School” ha kane ka jylla lada ka BJP kan ialam ia ka sorkar ha kane ka jylla Meghalaya, na ka liang ka party ka khot ka wer ia ki ba don ha ki kam wain ban wan pyniasoh sha ka party BJP ban kyntiew ia ka jylla.
