Shillong, Nailur 16: Hadien ka jingiaid lynti ha ka Subroto Cup International Football Tournament 2024 ka ba la poi sha ka ba kut na ka liang u Kapten jong ka kynhun ialehkai under 17 ia ka ba la mih khmat da ka Mynken Christian Higher Secondary School u Wanplie Malang u la pynpaw ia ka jingkhmih lynti ban leit iasoh noh sha ki klob ki ba don ha ka Jylla.
Ha ka jingiakren bad ki nongthoh khubor na ka liang u Wanplie Malang u la pynpaw ba kumba ka long mynta ka por jong u ka la poi sha ka ba kut ha kaba um lah shuh ban dangbteng ha ka ban ialehkai ha ka Subroto Cup.
U la pynpaw ruh ba nga hap ban bteng ia ka kam ialehkai da ka baleit pyniasohnoh sha ki club kiba don hapoh ka jylla. U la ongruh ba kum u rangapkol nga don ia ka jingangnud ban ioh ialehkai na ka bynta ka jylla ha kiwei pat ki kyrdan ialehkai kum ka Under -19, under -20 bad kiwei kiwei.
Kumban kyrtiang dien ka Mynkhen Chirstian Higher Secondary School ka la ioh ban leit mihkhmat ia ka Jylla ha ka Under -17 jong ki khynnah shynrang ha ka Subroto Cup International Football Tournament 2024.
Hynrei ka Mynkhen Christian ka la shah rem noh ha ka T G English School kaba na Manipur lyngba ka jingiashut tie breaker da 4-3 kol ha ka jingiakhun final kaba lla long ha ka 11 tarik u Nailur 2024 ha Dr Ambetkar Stadium kaba ha Nongbah Delhi.
