Shillong, Naiwieng 14: Ka Deputy Commissioner jong ka Ri Bhoi District kala phah da ka jingthoh sha baroh ki seng bhalang kiba don ha ka district ka ban long ha ka sngi ba ar kata ka 16th Naiwieng 2021 ha ophis jong ka ha Nongpoh ban ia kren halor ka jingpyntrei kam ia ka lynti rel kaba dei iaid lyngba ka District ha kane ka jylla Meghalaya.
U President ka HITO jong ka Ri Bhoi District u bah Ban Kharnaior la pynpaw ba ki dap da ka jingsngew kmen ba ka Deputy Commissioner jong ka district ba kala khot ia ki sha ka jingiakren ban ia kren halor katei ka phang kaba ia dei bad ka lynti rel.
Na k liang jong u bah Ban u la ong ba kin nym lah ban ia don bynta lang ha katei ka jingialang kaba la khot da ka Deputy Commissioner namar kim lah ban ia pein ban iohi ia ki khun samla kin mynsaw ha ka jingdawa ban ioh ia ka ILP.
U nongialam ka HITO la ong ba ka seng kam lah ban pdiang ia ka lynti rel katba ka sorkar kam pat lah ban pynurlong ban pyntrei kam ia ka ILP ha kane ka jylla Meghalaya, lada la lah ban pyntrei kam ia ka ILP ym don kam shuh ban khot ia kren na ka liang jong ka HITO ka pdiang seng bha lada dei haduh Khyndait Lad ruh.
Na ka liang jong ka HITO kannym leit ban ia shim bynta ha ka jingialang ka ban long ha ka 16th Naiwieng 2021 katba ym pat pyntrei kam ia ka ILP, ka seng kan ieng ban pyrshah beit ia ka lynti rel lada ka long ha kano kano ka rukom katba ym pat ioh ia ka ILP, la ong bah Ban Kharnaior President ka Ri Bhpoi District.
